Prosiect Menter MônOs oes gennych syniad busnes yr hoffech gael cymorth i gychwyn, cysylltwch â Sara neu Anna ar 01248 858 070 neu post@hwbmenter.cymru.
01248 858 070
Amdanom Ni
Mae'r Hwb Menter, prosiect Menter Mon wedi ei leoli yn M-SParc Gaerwen a Hwb Arloesi Porthmadog, yn rhoi'r wybodaeth, arweiniad, ysbrydoliaeth a'r gofod i entrepreneuriaid drawsnewid eu syniad yn fusnes llwyddiannus. Ymhlith y gwasanaethau a gynigir mae swyddfeydd cydweithio, cymuned o unigolion o'r un anian i rannu syniadau a chynnig anogaeth, cyngor busnes, ystod o ddigwyddiadau addysgol / cymdeithasol, Gofod Creu Ffiws, yn ogystal â rhaglen cychwyn busnes clodfawr Miwtini. A’r darn gorau yw, mae hyn i gyd heb unrhyw gost i chi fel aelod o’r Hwb am o leiaf 6 mis!
Cyfarfod y Tîm
Sara Lois Roberts
Sara Roberts yw Rheolwr yr Hwb Menter, sy'n rheoli cyfeiriad a llwyddiant yr Hwb. Mae Sara hefyd yn rhedeg ei busnes ei hun sydd wedi ennill sawl gwobr, Sara Lois Jewellery, sy'n golygu ei bod hi'n gwybod sut beth yw bod yn eich sefyllfa chi, gan gymryd y camau cychwyn busnes cyntaf hynny. Byddai'n bwyta caws ar gyfer pob pryd bwyd pe bai hynny'n dderbyniol!
01248 858 070
07920 280 595
Anna Openshaw
Mae Anna yn darparu hyfforddiant busnes ac wedi gweithio fel cynghorydd busnes ers dros 10 mlynedd. Mae Anna hefyd yn ymgynghorydd digwyddiadau sydd wedi ennill gwobrau ac wedi gweithio ar nifer o ddigwyddiadau ar raddfa fawr yn ystod rhedeg ei busnes digwyddiadau ei hun. Yn ystod y flwyddyn ddiwethaf mae hi wedi cyflwyno llawer o Miwtini’s a hi ydi môr-leidr y tîm. Mae Anna yn mwynhau actio a threulio amser gyda'i theulu.
01248 858 070
07508 449 201
Sian Thomas
Sian yw Swyddog Cymorth yr Hwb, ac fel rheol dyma'r llais cyntaf a glywch wrth gysylltu â'r Hwb dros y ffôn neu drwy e-bost. Yn ei hamser hamdden mae hi wrth ei bodd yn coginio a'i weithio i ffwrdd drwy redeg!
01248 858 070
07790 365476
Cynghorwyr Busnes
Dyma ychydig o'r cynghorwyr busnes sydd ar gael i'ch cefnogi chi a'ch busnes ar sail 1to1! Mae Aled, Beth a Lois yn barod i'ch helpu chi.
Rhaglen yw'r Hwb Menter sy'n gweithredu ar draws Ynys Môn a Gwynedd, a darperir gan Menter Môn. Mae'r ddau brif Hwb wedi eu lleoli yn M-SParc yn Gaerwen ar Ynys Môn a Hwb Arloesi yn Porthmadog, Gwynedd. Ond rydym hefyd wedi sefydlu perthynas gyda lleoliadau lloeren ar draws y ddau Sir er mwyn sicrhau bod modd defnyddio'r gwasanaeth ledled y rhanbarth. Mae cymryd agwedd ranbarthol yn nodwedd bwysig o'r Hwb Menter.
Rydym wedi sefydlu perthnasoedd â phob un o'r awdurdodau lleol, sefydliadau academaidd, rhwydweithiau busnes, y banciau, cyfrifwyr lleol a llawer mwy. Bydd entrepreneuriaid yn gallu elwa o gysylltiadau’r Hwb er mwyn datblygu eu busnes.
Mae’r prosiect hwn yn cael ei gyllido’n rhannol gan Lywodraeth y DU drwy Gronfa Ffyniant Gyffredin y DU, trwy Gyngor Gwynedd a Chyngor Sir Ynys Môn. Mae hefyd yn cael ei gyllido'n rhannol gan y Gwasanaethau Adfer Niwclear (NRS), is-gwmni sy'n eiddo llwyr i'r Awdurdod Datgomisiynu Niwclear (NDA).
Tanysgrifwch i’n cylchlythyr
Cofrestrwch i'n cylchlythyr lle cewch fanylion perthnasol i helpu'ch busnes chi a PDF Awgrymiadau Arfer Da Busnes!
